Lideri i Aleancës për Ardhmërinë e Kosovës, Ramush Haradinaj, ka bërë homazhe te varret e heronjve Afrim Zhitia dhe Fahri Fazliu.

“Jemi në vendin ku pushojnë heronjët tanë, në vendin që i takon epiteti vendi i heronjve. E nderojmë përvjetorin e rënies liri si kjo sot është ditë e ndërgjegjëjes dhe vetëdijes tonë, dhe për ti shërbyer lirisë tonë dhe vendit”, tha Haradinaj.

“Jemi me të drejtë në vendin që i takon epiteti ‘Kodra e heronjve’, pushojnë heronjtë e kombit Afrim Zhitia, Fahri Fazliu, por edhe heronjtë e tjerë. Është ditë e ndërgjegjes, e vetëdijes sonë, por edhe e pozicionit tonë edhe ma tutje për t’i shërbyer lirisë, për t’i shërbyer vendit”, është shprehur Haradinaj.

Me 2 nëntor 1989 Lagjja Bregu i Diellit në Prishtinë rrethohet nga forcat serbe aty ku bien heroikisht edhe drejtuesit e Lëvizjes Popullore për Republikën e Kosovës, Afrim Zhitia dhe Fahri Fazliu. Pas luftës 10-orëshe bien heroikisht Afrimi së bashku me Fahri Fazliun. Qëndresa e këtyre dëshmorëve ishte inkurajim dhe ngritje e moralit për të rinjët kosovarë dhe për shumë prej tyre ishin idolë dhe shembull si të mbrohej atdheu./arbresh.info/